Erabaki horrekin salatu gura dute espetxe horretako zuzendaritzak DSP (modu berezian seinalatuak) moduan izendatu dituen "euskal presoen aurkako zigor gaineratua" diseinatu duela, bi hilero ziegaz aldatuko dituela iragarriz.
Orain arte honako ekintzak egin dituzte presoek: patioa hainbat aldiz blokeatzea, ziegetako ateetako begi-zuloak estaltzea, eta txandakako gose greba egitea. Zuzendaritzak, dena dela, "zigor gaineratuarekin" jarraituko duela jakinarazi die, eta, ondorioz, martitzenean gose greba mugagabea hasi zuten Azpitartek eta gainontzeko presoek.
Eskutitzen kanpaina
Egoera hori salatzeko Fleury Merogis espetxeko zuzendariari presoen eskubideak errespetatzeko eskatuz eskutitzak bidaltzeko kanpaina martxan jarri dute Eskoriatzan. Hain justu, zuzendaritzaren erabakiarekin desadostasuna azaltzen da horretan. Inkernu tabernan daude esandako eskutitzak.