Auzoko egitasmoaren bidez Euskal Herrira iristen diren lagun berriei euskararen berri eman nahi zaie eta hizkuntza baliabideak eskura jarri. Elkartrukea lagun artean egitea proposatzen da, ahalik eta modu naturalenean; horretarako lagun taldeak sortzen dira, eta batzarretan elkartruke egoerak bultzatu.
Dinamizatzaile lanpostuari dagokionez, Topaguneak egindako kontratua, astean 7 ordu eta erdiko dedikazioarekin izango litzateke. Irailaren erdi aldera hasi eta abendu bukaera arte; urtarrilean jarraitzeko aukera egon daiteke.
Interesatuek honako baldintzak bete behar dituzte: bi hizkuntza ofizialak ondo erabiltzen jakitea, taldeak dinamizatzeko gaitasuna, hizkuntzekiko sentsibilitatea, harremanetarako gaitasuna, aniztasunarekiko interesa, Eskoriatza ondo ezagutzea eta ordutegi malgua izatea.