Diputazioak Eskoriatzako zaharren egoitza egokitzeko baimena eman du

Mirian Biteri 2013ko ira. 6a, 14:14

Gipuzkoako Foru Aldundiko Gizarte Politikarako Departamentuak, foru agindu baten bidez, behin betiko baimena eman dio zaharren egoitzako patronatuari eraikina egokitu dezan. Proiektua dagoeneko egina dute eta egokitzapen obrak egin ostean, herriko egoitzak 33 lagunentzako tokia izango du.

Patronatuak jakinarazi gura izan du albistea "ezin hobea" dela, eta horren harira, gogorarazi du Garagardoaren festaren bigarren edizioaren "bezperetan" heldu dela. Irailaren 19tik 22ra bitartean egingo dute zaharren egoitza diruz laguntzea helburu duen festa.

Azken horren bueltan, egoitzako patronatutik azaldu dute jaialdia antolatzeko prestaketak aurrera doazela, eta horretan jasoko den dirua Diputazioan onartutako egokitzapen plana gauzatzeko zuzenean erabiliko dela.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak