Kirol zerbitzuak hobetzekotan dabiltza Eskoriatzan, eta horretarako herritarren parte-hartzea eskatu du Udalak. Gaur egungo eskaintzaren gaineko iritzia eskatzearekin batera, proposamenak ere eskatzen ditu kiroldegian zein Udaleko webgunean aurkitu daitekeen galdetegian.
Hain justu, erabiltzaileei kanpoko eta barruko igerilekua, sauna lehorra eta hezea, harrerako eta igerilekuko aldagelak, fitness eta spinning gelak, goiko gimnasioa, rokodromoa, kantxa, kanpoko igerilekuko jolas gunea eta minifrontoia baloratzeko eskatzen zaie eskoriatzarrei.
Eta hainbat aukeren artean, bakoitzari interesatzen zaizkion kirol jarduerak zehazteko ere proposatzen zaie. Besteak beste, pilates, miltifitness, tonifikazioa, askotariko dantzak, igeriketa edo mantentze gimnasia azaltzen dira zerrenda horretan. Eta horri lotuta, jarduera horiek praktikatzeko egokien datorkion ordutegia.