Nahi duenak parte hartu ahal du, herriko jaiei buruzko edozein irudi aurkeztuz. Argazki digitalak izan behar dira, zuri beltzean edo koloretan, edozein teknika erabilita eta JPG formatuan, ahalik eta bereizmen handienean. Lanak argitaratu gabeak izango dira eta egile bakoitzak, gehienez ere, 10 argazki aurkeztu ahal izango ditu.
Epaimahaiak 30 argazki aukeratuko ditu, gero, horien artean bozketa egiteko. Aukeratutakoak jendaurrean jarriko dira irailaren 9an, eta herritar bakoitzak boto bakarra eman ahal izango du. Irabazlea aukeratzeko hiru boto hartuko dira kontuan: bi boto Kultura batzordeak emandakoak, eta hirugarrena, jendeak aukeratutakoa. Iraila amaiera jakinaraziko da irabazleen izenak. Lehenak, 100 euroko balea lortuko du Eskoriatzako merkatarien elkarteko dendetan gastatzeko; bigarrenak, 50 eurokoa; eta hirugarrenak, 25 euroko balea.
Herri ikuskizuna
Bestalde, jaietan egindako Herrixa munduan eta mundua herrixan ikuskizunari buruzko iritzi idatziak jasotzen dabiltza. Eta datorren astera arte liburu bat izango da herriko liburutegian ikuskizunean parte hartu zutenek zein ikusleek ikuskizunaren gainean beraien iritzia idatzi ahal izateko.