Danborrada eta munduko dantzak atzo eta Euskal Jaia, gaur, Sanpedroetan

Eskoriatzako kaleetan danbor hotsa ozen entzun zen atzo domeka. Herriko neska-mutikoak danborradan irten ziren; guztiak dotore-dotore jantzita eta poz-pozik. Guraso, familiartekoak eta herritarrak etxeko txikienak ikustera irten kaleak bete zituzten. Gauean ostera, mundu osko txokoetatik etorri ziren hots eta doinuak. Herrixa munduan eta mundua herrixan ikuskizunak herriuaren kultura aberatsaren jatorri eta nahasketa erakutsi zituen. Ia 70 eskoriatzarrek hartu zuten parte ikuskizun hunkigarri eta alaiean. Gaur, azkenik, Euskal Jaia ospatuko dute. Taloa eta sagardoa banatuko dute eguerdi partean plazan. [ASTELEHENEKO EGITARAUA]

ARGAZKI GALERIAK  Euskal Jaia eta buruhaundi lasterketa ı  Haurren danborrada ı Herrixa munduan eta mundua herrixan

Urtero legez sagardo kupela egon da plazan, baita herritar talde batek egindako taloak dastatzeko aukera ere. Herritar ugarik jarri dute baserritar jantzia soinean, eta musika eskolakoen dantza taldeen dantzak ere egon dira ikusgai.

Aurtengo jaietako nobedadeetako bat ere gaur goizean egin dute: buruhandien txirrindulari lasterketa. Parte hartu dutenek gainera, ez dute lan erreza izan: kontua ez zen lehenengo zein helmugaratu, azkena zein helmugaratu baizik. Azkenean, hamar bat parte hartzaileren artean, Lander Villar izan da garailea.

Eguna baina ez da hor bukatu, Santa Mariñe plazan herri bazkaria egin dute-eta.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.