Menuari dagokionez, helduek honakoa jango dute: sarrerak (urdaiazpikoa, solomoa, txorizoa sagardo erara prestatuta), bakailao tortilla, saiheskia, gazta menbriloarekin eta intxaurrak, kafea eta pattarra. Haurrek, aldiz, zukua, makarroiak, burruntzi-pintxoak eta jogurta izango dute.
Bazkarian lekua erreserbatzeko aukera ere izango dela gogorarazi dute Udaletik, 943 71 46 88 telefono zenbakira deituta edo edo kultura@eskoriatza.net postara idatzita.
Uztailaren 1ean, itxita
Bestalde, sanpedrotako hirugarren eguna dela-eta, uztailaren 1ean, astelehena, itxita egongo dira udal bulegoak. Hortaz, Udalarekin lotuta edozein epe, betebehar edo eskubideren mugaeguna egun horretan bukatuko balitz, hurrengo lan egunera arte luzatuko da; hain justu, uztailaren 2ra arte.