Eskoriatza Kirol Elkartearen bueltan ibiltzen diren 150 lagun batu ziren zapatuan Arrasateko andaluziarren elkartean, klubaren denboraldi amaierako bazkari eta ospakizunean.
Sarituak ondorengoak izan ziren: saskibaloian, Ane Mendieta, kadete mailako jokalari onena; gazte mailako onena, Miren Heriz; nagusietan eta sekzio denean onena, Izar Bedia; areto futbolean, gazte mailan, Imanol Sanchez; Erregional mailan, Ander Romero; Euskal Ligan, Asier Urra; eta sekzio denak kontuan izanda, Richard Hidalgo.
Jokalariak bakarrik ez
Jokalariez gain, zuzendaritzako kideak ere saritu zituzten –Garbiñe Urizar, Narciso Pavo, Fernando Raso eta Joseba Iñurrategi–, eta baita babesleak ere –Kobate Harrobiak Kanpazar, Gorbea aroztegia, Akeita taberna, Leniz konponketak, Hotz-Bero, Frixi eraikuntzak eta Al-Andalus–.
Bihotzez eskertu zuten delegatuek urte osoan egiten duten lana, eta azken oroitzapen sentitu bat izan zuten, nola ez, duela bi urte eta erdi hildako Manolo Muñoz presidente ohiarentzat.