Bihar, ekainak 4, Izaro Gorostidik eta Jorge Arzuagak Crisis global: soluciones y alternativas izeneko mahai inguruan hartuko dute parte, kultur etxean, 19:00etan. Toki berean, baina eguaztenean, kontsumo arduratsuari buruzko saioa egingo dute, 19:30ean. Antolatzaileek adierazi dutenez, "berbaldi guztietan pastak eta Txiapasko kafea egongo dira".
Mexiko zati bat herrian
Aste Zapatistaren bitartez, herrialde hartako kulturaren zatitxo bat iristen da urtero herrira. Hala, kultur etxean Argazki zapatista izeneko erakusketa irekiko dute, aste osoan zehar ikusgai egongo dena. Mexikoko abestiak entzun ahal izango dira – eguenean 18:30ean zaharren egoitzan eta egubakoitzean 17:00etan plazan–. Maskara mexikarrak egingo dituzte eta janari mexikarra prestatuko dute zapatuan.