Emaztearen etxearen atariko ateari su eman zion

Atzo, domeka, gizonezko batek bere emaztearen etxearen atariko ateari su eman zion, Eskoriatzan. Lekukoek kontatutakoaren arabera, Aranburuzabala kaleko 26. atarian izan zen gertakaria, arratsaldean. Ondoko Txalaparta tabernatik kanpora erretzera irten zen gizonezko batek sua ikusi, eta tabernan zeudenen artean emendatu zuten. Beti ere lekukoen arabera, gizonezko horrek familiarengandik aldentzeko agindua dauka, ustez, emaztea bera eta alaba mehatxatuta dituelako. 

Segurtasun Sailak konfirmatu egin du sua egon zela, "baina berehala bertaratu zen patrulla bat eta sua emendatu egin zuen, beraz, ez zen suterik gertatu. Gizonezkoak sua eman eta alde egin zuen; oraindik ez dugu lortu harrapatzerik. Identifikatuta badago, baina ez atxilotuta".  

Lekukoek esandakoaren arabera, keak eragin ditu suak baino kalte handiagoak. "Oraindik ere ataria belztuta dago". 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.