Sanpedrotarako hilabete pasatxo baino ez da geratzen, eta Eskoriatzako Udalak dagoeneko martxan jarri du aurtengo jaietarako esaldi lehiaketa. Gaurtik ekainaren 2ra bitartean aurkeztu daitezke esaldiak herriko kultura etxean, liburutegian zein kiroldegian jarritako ontzietan, edo euskara@eskoriatza.net postara mezua bidaliz.
Hamahiru urtetik gorako eskoriatzarrek parte hartu dezakete, hiru eta bost lagun arteko taldeak sortuz. Bakoitzak, gutxienez, esaldi bana aurkeztu beharko du, eta, gehienez, bost. Udaletik ohartarazi dute ez direla onartuko neurriz kanpoko kontsumoa edo jarrera sexistak sustatzen dituzten esaldiak.
Kultura batzordeak osatutako epaimahaiak lehenengo aukeraketa egingo du, eta ekainaren 4an Udalaren webgunean erakusgai jarriko dituzte, herritarrek bozka ditzaten. Udalak afaria ordainduko dio aurtengo lehiaketa irabazten duen talde irabazleari, Eskoriatzako jatetxe batean.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.