Atzo, zapatua, Museoen Eguna izan zen eta, arrazoi horregatik, asteburutan itxita egon ohi den Eskoriatzako Ibarraundi Museoak zabalik izan zituen ateak. Museoan, gainera, umeei zuzendutako tailerrak egin zituzten. Edozein kasutan, museoan eta Zubiateko labean, bietan, ibili zen jendea.
Museoen Egunaren aitzakian, bi salbuespen egin zituzten atzo Ibarraundin: ateak ireki –soilik aste barruan egoten da zabalik normalean– eta sarrerarik ez kobratu. Museoen egun batean lehen aldiz, gainera, tailerrak egin zituzten neska-mutikoentzat, eta 25 inguruk egin zuten bat ekimenarekin.
Ekainberriko (Ekain kobaren erreplika) kideen eskutik historiaurreko tresnak nola erabili ikusi eta ikasi zuten, lehen tailerrean: lantzak, arkuak eta geziak, eta jaurtigailu edo bultzagailuak. Azalpenak entzunda, museoaren atarira irten, eta bertan jardun zuten saiakerak egiten.
Ostean, katiluak eta ontziak egin zituzten, Iraia Artzamendi artista eskoriatzarrak gidatutako zeramika tailerrean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
