103 urte bete berri ditu eta aurreko urtean baino ederrago dagoela esan diote Errastiri gaur goizean. Zapatuan bete zituen 103 urteak, eta atzo ospatu zuen familia osoarekin bazkari bat eginaz.
Gaur ordea, Eskoriatzako Udaleko eta Olazar jubilatuen elkarteko ordezkariak bere etxetik pasatu dira opari batzuk eman eta hamaiketakoa berarekin konpartitzeko asmoz. Ardo botila bi eta bonboiak, mermelada eta Tolosako gozoez osaturiko otar bat oparitu dizkiote. Pozik eta sasoitsu ikusi dugu Errasti, ondokoekin hitz egiteko gogoz eta aurrera jarraitzeko energia handiz. Kolesterol kontuak ere kontrolpean dituela esan digute, beraz, datorren urtean ere bere etxetik pasatu beharko dugu. Zorionak Bernabe!