Maiatzean protagonismo berezia izango du mendiak Eskoriatzan; hain zuzen ere, mendi hilabetea prestatu dute maiatzaren 29ra arte. Besteak beste, eskalada ezagutzeko eta praktikatzeko aukera egongo da: jaialdia egingo dute bihar, martitzena; eta eskalada kalera aterako dute eguenean.
Bihar, martitzenean, eskalada jaialdia egingo dute kiroldegian. Bi taldetan banatu dute ekimena, adinka sailkatuta. Hain zuzen ere, 10 eta 18 urte arteko gazteek 17:00etatik 18:00ak bitartean izango dute aukera katu-oinak jantzita paretan gora ibiltzeko. Horren ondoren, 18:00etatik 19:00etara 18 urte gorakoen txanda izango da.
Eguenean, berriz, maiatzak 9, eskalada kalera aterako dute, 17:00etan. Herriko paretak baliatuko dituzte kirola praktikatzeko; aurrez eman behar da izena.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.