Horren harira, honakoa adierazi du Beñat Herce alkateak: "Hitzaldira joaten direnekin lanketa berezia gura dugu egitea, beraien ideietan sakonduz eta Eskoriatzak dituen beharren gainean azterketa eginez, negoziotxoak aurrera atera ahal izateko".
Askotariko tailerrak
Horretaz gain, maiatza eta uztaila bitartean, askotariko tailerrak egiteko asmoa dute. Esaterako, autonomoei zuzendutako saioak gertatzen dabiltza. Askotariko gaiak jorratuko dituzte tailer horietan, hala nola, fiskalitatea edo datuen babesari buruzkoak.
Eztabaida gunea
Bestalde, ekintzaileekin eztabaida gunea sortu nahi dute, beraien beharrak ezagutu, eta, ahal den neurrian, erantzuteko. Hercek jakinarazi du hala behar ezkero, Udalak lan gela bat egokituko duela, eta ekintza ezberdinak aztertuko direla: lokalak uztea, diru laguntzak edo finantziazioa, besteak beste.
Alkatearen esanetan, apurka "nolabaiteko babesa" eman nahi diete Udaletik enpresa berriak jartzeko asmoa duten eskoriatzarrei. Guzti horren bueltan, "ideia berriren bat" buruan daukaten edo "zerbait martxan jartzea" pentsatuta dutenei parte hartzeko gonbitea egin die.