Osasun Astearen bueltan, FreeCross bizikletak eta informazio panelak eskoriatzarren eskura daude atzotik Manuel Muñoz kiroldegian eta Huhezin. Askotariko ekintzak izango dira asteon: gaur, esaterako, Josu Larreategik gidatuta, jarduera fisikoa egingo dute zaharren egoitzan bizi direnek, eta jarraian, hirugarren adinean ariketa fisikoa egitearen garrantziaz egingo dute berba.
Esan bezala, Free Cross bizikletekin batera, informazio panelak jarri dituzte. Eskoriatzako gaztelekukoekin elkarlanean, edarien analisia egin dute horretako batean. Gazteek edaten dituzten edarien azterketa egin dute, zenbat azukre daukan jakiteko.
Horretaz gainera, elikadura osasungarria jarraitzearen garrantzia azpimarratzen da beste baten batean, eta horretan, fruta jateko gomendio egiten da. Sagarrak, mandarinak eta bestelakoak hartu daitezke, herriko Martin fruta dendaren eskutik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.