Euskara maila ona eta 18 urtetik gorako begiraleak aukeratuko dituzte. Bi baldintza horiez gain, EGA titulua izatea eta haurren hezkuntzarekin lotutako ikasketak izatea lehenetsiko da. Esperientzia, aisialdiarekin lotura duten ikastaroak eginda izatea, eta udalekuetan lanean aritu direnen kasuan, umeekiko, taldearekiko zein koordinatzaileekiko izandako jarrera ere baloratuko dute aukeraketa egiterakoan.
Aurretik formazioa
Eskoriatzako Gazteria Zerbitzutik jakinarazi dute aurtengo udaleku irekietan begirale lanetan arituko diren guztiek aurretik formazioa jaso beharko dutela. Horren harira, gaineratu dute formazio saio horiek noiz izango diren jakinaraziko dela.
Uztailaren 4tik 23ra izango dira aurten udalekuak.