Koldotxotik gogorarazi dute lege horrek ekar ditzakeen ondorioen "larritasuna" ikusirik, hainbat eragilek dagoeneko kontrako manifestu bateratua sinatu dutela, hala nola, EHIGE, Ikastolen Elkartea, Sortzen-Ikasbatuaz, Kristau Eskola edo Eliz Barrutiko Ikastetxeek.
Guraso elkarteak honakoa salatu du: "Madrilek hezkuntza sistema gizarteko ezberdintasunak orekatzeko baino, kostu minimoarekin eliteko ikasleak ateratzeko fabrika bat bihurtu nahi du. Ikuspegi honen arabera hezkuntza sistema gastu bat eta ez inbertsio bat. Horretaz gain, curriculumaren erdia baino gehiago Madrilgo gobernuaren esku geratzen da, bertan daukagu berezitasunetara egokitzeko baliabideak mugatuz".