Eskoriatza kirol elkarteak antolatuta, Frantziako Pirinioetan eskiatzeko aukera dago asteburuan; urtero moduan, Luz Ardidenera irteera gertatu dute. Izen-ematea eguenera, martxoak 14, arte dago zabalik herriko Namaste belar dendan edo 943 71 43 27 telefono zenbakian. Bidaiak 135 euro balio du.
Prezio horretan sartuta dago autobusa, ostatua mantenu-erdian eta bi egunetarako forfaita. Materialaren alokairua eta aseguruaren ordainketa, berriz, norberaren esku geratuko da, baita eski pistetan jateko eroan behar dena ere.
Astebururako plana zein den ere azaldu digute antolatzaileek. Zapatuan, 05:00etan, irtengo da autobusa erdiko geltokitik, eta bi egun eskiatzen eman ostean, domekan itzuliko dira; aurreikusi dute 21.00ak aldera iritsiko direla herrira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.