Manolo Muñoz zenak eta Txingudi Saskibaloi elkarteak urtetan izandako hartu-emanaren ondotik dator gaurko entrenamendua. Eskoriatza Kirol Elkarteak urtetan sendotu duen adiskidetasuna oinarri hartuta emakumezkoen gorengo mailan jokatzen duen Hondarribia-Irun taldeak entrenamendua egingo du Eskoriatzako kiroldegian, gaur, egubakoitza, 20:00etan. "Goi mailako taldearen entrenamendua kirol hitzordua da, baina martxoaren 8an egin gura izan dugu, egun horri keinu bat egiteko", esan digute Eskoriatza Kirol Elkartekoek.