Gaur goizean, eguaztena, jaso dute Eskoriatzako zaharren egoitzakoek Udalak garagardo azokarekin eta Gabonetako loteriarekin egoitza berritzeko lortutako dirua: 11.758 euro, guztira. Zaharren egoitzak berritzeko behar handia du eta, diru arazoak direla-eta, Udalak laguntzeko helburuarekin eraman ditu aurrera bi ekintzok.
Guztira 11.758 euro lortu dituzte: irailean Eskoriatzan bertan antolatutako garagardo festan lortu zuten erdia gutxi gora-behera eta Gabonetako loteriarekin beste erdia.
Gaur, 10:00etan, bildu dira Udaleko ordezkariak zaharren egoitzakoekin lortutako dirua emateko. Zaharren egoitzako ordezkariek esan dutenez, oso gustura daude jasotako diru-laguntzarekin: "Beharrezkoa dugu egoitza berritzeko eta beste zenbait proiektutarako".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.