Adin guztietako gaztetxoak, beraz, goizean primeran ibili dira lagun artean jolasean. Ume txikienak ludotekan gustura ibili dira bolaz betetako puzgarrian edota motortxoetan. Nagusiagoek, bestelako puzgarrietan eta ohe elastikotan salto eta itzulipurdi ugari egin dituzte izerditu artean eta gazte ausartagoak rokodromoan ere ibili dira pareta goraino eskalatzen; euren helburua zen paretaren goiko parteraino igo eta han zegoen kanpaia jotzea.
Gabonetako parkean guraso ugari ere izan dira. Gaztetxoak ondo zebiltzala ikusita, eurak ere gustura egon dira.
Bihar ere bai
Arratsaldean ere zabalik egongo da Eskoriatzako Gabonetako parkea 17:00etatik 20:00ak arte eta bihar ere aukera izango dute gaztetxoek Gabonetako parkearekin disfrutatzeko 11:00etatik 13:00etara eta 17:00etatik 20:00ak bitartean.