Bigarren zatiari ondo ekin zioten eskoriatzarrek, eta hamar minutu oso biziak eta onak izan zituzten. Ritxarrek egin zuen 1 eta 2koa, bigarren zutoinean jaurtiketa bat jaso eta baloia sareetara bultzatuta. Handik aurrera ere jaun eta jabe izaten jarraitu zuen Eskoriatzako taldeak, eta aurrena berdindu eta gero aurretik jartzeko adina gol aukera izan zituen. Baina punteria faltak batzutan eta Lagun Onaken atezainaren lan onak besteetan, merezitako saririk gabe geratu ziren eskoriatzarrak.
Sari gabeko ahalegina
Zorte eskaseko jokaldi batean 1 eta 3koa egin zuten kanpokoek, eta egindako ahalegina eta gero halako zigorra jasotzeak kalte egin arren, beste bi alditan zutoina ere jo zuten etxekoek. Baloiak ez zuen sartu nahi. Eta 1 eta 4koa ere egin zuten azpeitiarrek.
Hamalau jardunaldiren ostean atzeko postuetan da Eskoriatza, soilik bi partidu irabazita, zazpi punturekin. Zorionez, Eguberrien osterako espero dute berreskuratzea egun min hartuta duten jokalari sorta, eta taldea indartuta partiduak irabazten hastea.