Espainiako epaitegiak legea betearaztera eta Espainiako bandera jartzera behartzearen ondotik dator ekimena.
Dantzen ondotik, Beñat Herce alkateak hartu zuen hitza. Aipatu zuen "herritartasunaren adierazle" banderak mendeetan gizakiok "harrotasunez" erakutsitako ikurrak izan badira ere, horiek lurralde bati "inposatzeko" nahia dela-eta, "ezbehar, guda eta heriotzak" eragin dituztela. Egun, bakoitzak bere herria eta ikurra zein den erabakitzeko eskubidea izan behar duela esan zuen, "inposiziorik gabe".
Gertatutakoa eskoriatzarron "eskubide urraketa" dela eta honakoa aipatu zuen: "Gu euskaldunak gara, eta Euskal Herria libre eta independente izatea gura dugu".
Udala ahal dena egiten saiatu bada ere, "gogoz kontrakoa" bada ere, epaia onartzea erabaki dutela esan zuen; baina, Espainola bakarrik jarri beharrean, Eskoriatzan erroldatuta dauden guztien ikurrak jartzea erabaki dute. Etxeko balkoietan ikurrina jartzeko deia ere egin zuen.