Kultura etxean ematen ari diren saioak Equala izeneko genero aholkularitza ari da eskaintzen eta herriko zortzi emakume ari dira saio horiek jasotzen.
Tailerra
Ispilua, ispilua, zein da erresumako ederrena? Gure burua gehiago maitatzeko eskola; horixe da izenburua. Eskainitako saioen bitartez emakumeen parte hartzea lortu nahi da, eta orokorrean esanda, bertan aztertzen ari dira estereotipoek gure bizitzan, gure gorputzetan eta gure irudian duten eragina.
Kontzeptu teorikoen azalpenekin batera dinamika eta ariketa praktikoak ere tartekatzen ari dira saio horietan, norberaren buruaz jabetzea eta jabetze kolektiboa lantzeko. Horrez gain, euren burua gehiago nola maitatu ikasten ere ari dira, kanpotik etortzen diren baldintzak alde batera utzita. Bertan parte hartzen ari diren emakumeak tailerrarekin "oso pozik" zeudela kontatu ziguten euren esperientzia eta beldurrak partekatu dituztelako.