Ermita barruan Sagredok kontatu du uste dutela tontorrean dagoen ermita hori dagoen lekuan zegoela garai batean bertan kokatzen zen gazteluko dorre nagusia eta indusketetan ermita horretako lurra altxatu dute azpian dagoen harria aztertzeko. Gero, kanpora atera dira batez ere aurreko urteko indusketetan egindako lanak ikustera. Bertaratutakoek ikusi ahal izan dute harresia nola sendotu duten, besteak beste.
Bisitariak gustura
Guztira, 60 lagun inguru izan dira bisita gidatuan; ume, gazte eta heldu. Batzuk aurretik ere Atxorrotzeko indusketetan egin dituzten lanak ikusitakoak izan dira, beste batzuendako, berriz, lehenengo aldia izan da Atxorrotzera igotzen zirela eta indusketetako lanak ikusten zituztela. Guztiak baina, gustura entzun dituzte Sagredoren azalpenak.