Eskoriatzako udalak, HuHeziren (Mondragon Unibertsitatea) laguntzarekin antolatu du ekimena. Gidatutako dantzaldi irekia da Herrixa Dantzan, Euskal Herriko eta Europako beste eskualde batzuetako dantza tradizional ludikoekin osatutakoa: sokan, taldean, bikoteka... denetarik. Helburua, adin ezberdinetako herritar soilak elkarrekin dantzan gozatzea da, eta igande honetan helduko da lehenengo aldiz Eskoriatzara ikasturte honetan.