Erakusketan Brasilgo lurrik gabeko langileen mugimenduaren inguruko argazkiak daude eta argazki erakusketa ikusteko ordutegia hauxe da: 9:00etatik 14:00etara eta 17:00etatik 19:00etara.
Dokumentala
Bestalde, dokumental bat ere proiektatuko dute datorren astean Ibarraundin. Gure lurra, gure etorkizuna izenburua dauka eta Bizilur eta EHNE Bizkaiak egindako dokumental horrek elikadura burujabetzaz hausnarketa bultzatzeko balio izango du. Proiekzioaren ostean solasaldia egingo da Bizilurreko kide David Lopategirekin. Dokumentala eta solasaldia, biak izango dira euskaraz. Herriko azaroko gidan dokumentala hilaren 13an emitituko dela jarri arren, azkenean hilaren 12an, astelehena, izango da proiekzioa 18:30ean.