Hasiera batean Udaletik nahi izan dute hori enplegu publiko bat izatea, baina gaur egun indarrean dauden neurriek ez diete uzten, eta horregatik, zerbitzua subkontratatzea proposatu zuten joan zen astean egindako ez ohiko osoko bilkuran onartutako pliegoekin. “Ez dauka zertan izan enpresa handi batek jartzen digun pertsona bat lan horiek aurrera eramateko, baizik eta izan ahal da gaur egun langabezian dagoen pertsona bat ikusten duena bere burua baldintzak betetzen dituela eta posible duela zerbitzu hori aurrera eramatea” azaldu du Hercek.
Kontratua
Kontratuak bi urteko iraupena izango du, eta beste bi alditan luzatu ahal izango da urtebetez, baina, beti ere, iraupen osoa, luzapenak barne, ezingo da izan lau urtetik gorakoa. Aipatutako luzapenak egin ahal izateko alde biek adierazi beharko dute luzatzeko nahia.
Proposamenak aurkezteko
Proposamenak aurkeztu ahal izango dira hilaren 30era arte udaletxeko Sarrera Erregistroan eta Udaletik nahi dutena da 2013 urte hasierarako zerbitzua esleituta izatea.