Kontzertua berandu hasi arren, gaua ondo baino hobeto berotu zuten Rockers Go To Hell taldeak Eskoriatzako inkernu tabernan, bertara gerturatu ziren arimak dantzan jarriz.
Bateria, kontrabaxu, gitarra eta abeslaria oholtza gainera igo eta lehen akordeak eman orduko, argi geratu zen ez zetozela denbora pasa. Artzain bat balitz bezala, gaua liturgia bihurtu zuen Dorda abeslariak, publikoa zoratuz.
Elvis-en bertsio talde bezala dira ezagunak, baina tartean, Stray Cats, Buddy Holly edota Eddie Cochran-en kantak eskaini zituzten. Kontzertu izerditsu eta borobila, Viva Las Vegas.