22:30erako zegoen aurreikusita emanaldia, Ibon Rodriguez musikariaren, Xabier Montoia musikari eta idazlearen eta Iban Zaldua idazlearen eskutik, eta azken horrek 2011n Erein argitaletxearekin argitaratutako Biodiskografiak izeneko liburuan oinarrituta. Saritua izan berri den Zaldua gure artean izatea espero genuen, beraz, bihar –Iban Zalduak eta Julen Ribas arrasatearrak egindako Azken Garaipena komikiak Euskadi saria jaso berri du–, baina ez da posible izango, oraingoz.
Biharko, urriak 31, Huhezin programatuta zegoen emanaldia bertan behera geratu da, taldekideetako baten osasun arazoak direla-eta. Edozein kasutan, antolakuntzatik jakinarazi dute aurrerago egingo dela, nahiz eta oraindik ez dagoen zehaztuta data berria.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak