Jasangarritasun Asteburua egin dute Eskoriatzan. Bi azoka ipini dituzte domeka egun osoan zehar frontoian. Alde batetik, eta hirugarren urtez, bigarren eskuko azokoa antolatu du kultura etxeak. Gura duten herritarrek postua jarri ahal izan dute bertan, eta etxetik arropa, jostailu, bitxi eta oro har, gura zutena eramanda tratuan aritu dira. Hala, egoera onean dauden gauzen berrerabilpena bultzatu dute eta jendeak bikain erantzun zuen beste urte batez, 18 postu ipini baitituzte.
Bestaldetik, irtenbide jasangarriak erakusten dituzten hamaika postu ere ipini dira frontoian: komun lehorrak, instalazio termikoak, Jakionen produktuak, etxe zein orturako landareak...
Beste modu batetan bizi daitekeela erakutsi dute modu horretan Eskoriatzan, eta jendeak ere mota honetako ekimenarekin edukitako jarrera ikusita, posible dela ondorioztatu dute.