Sariak banatzerako orduan hiru maila banatu dituzte. 15 urtera arteko mailan berdinketa egon da bakoitzak 19 boto jasota eta irabazleak dira Leire Uribesalgo Ze gustura nagoen! argazkiarekin eta June Larzabal Kalatxoriak izeneko lanarekin.
"Kalatxoriak" izeneko lana. June Larzabalek ateratakoa.
"Ze gustura nagoen!" izeneko argazkia. Leire Uribesalgok ateratakoa.
16 eta 49 urte arteko kategorian, berriz, Eli Gabilondok jaso ditu boto gehien, 44 hain zuzen, Canada is different argazkiarekin.
"Canada is different" izeneko argazkia. Eli Gabilondok ateratakoa.
Bukatzeko, 50 urtetik gorakoen mailan Juan Antonio Uriarte izan da saritua 19 botorekin Buona Sera argazkiagatik.
"Buona Sera" argazkia. Juan Antonio Uriartek ateratakoa.
Irabazleek bertako produktuz osatutako otarrea jaso dute.
Balorazio positiboa
Ibarraundi museoak antolatutako lehiaketa izan da eta jaso zituzten 42 argazkietatik 30 onenekin erakusketa zabaldu zuten herritarrek lanak ikusi eta euren gustukoenei botoa emateko. Facebook eta mail bitartez ere jaso dituzte botoak.
Antolatzaileak pozik gelditu dira, hauxe esan digu Eneritz Zubia Ibarraundiko langileak: "Gustura gaude lehiaketaren harrerarekin; argazkiak ondo jaso genituen eta herritarrak euren botoak eman dituzte, pozik gaude harrerarekin".