Ibarraundi museoan astelehenean jarri ziren ikusgai Udako Argazkien Lehiaketako 30 lanik onenak eta urriaren 5era arte egongo da zabalik erakusketa 10:00etatik 14:00tara eta 18:00etatik 20:00etara.
Adinaren arabera, hiru kategoriatan dago banatuta lehiaketa: umeak, orokorra eta 50 urtetik gorakoak. Ondorioz, botoa kategoria bakoitzeko argazki onenari eman beharko zaio.
Botoa emateko hiru bide daude: Ibarraundi museoan bertan eman daiteke botoa, Facebook-en gogoko duzun argazkian "Atsegin dut" klikatuta edo mailez ibarraundi@eskoriatza.net helbidera mezua bidalita.
Sariak urriaren 9an banatuko dira.