Eskoriatzan zazpi elizate daude eta Udaletik aukera eman zieten aurten zazpi horietako baten jaiak antolatzeko. Eta Marinen ospatuko dituzte asteburu honetan Madalena jaiak.
Zaptu eta domekan, jaia
Zapatu arratsaldean emango diete jaiei hasiera etxafuegoekin eta kanpai jotzearekin. Azken urteetan moduan, Arientzako kanpai jotzaileek kontzertutxo bat emango dute kanpaiekin. Eta gero, azken hiru urteetan bezala, auzo afaria egingo dute.
Afariaren ostean, azken 30 bat urteetan ez bezala, aurten aukera izango dute musika eta guzti jaia behar den bezala ospatzeko. Izan ere, erromeria izango dute Laja eta Narbaiza trikitilariekin eta taberna ere izango dute.
Domeka eguerdian meza izango dute eta ondorengo luntxarekin emango diete amaiera Madalena jaiei.