Lehiaketan parte hartu dute udaletxeak, Teleskok, liburutegiak, Arizmendi-Almeneko eraikinak, zaharren egoitzak eta kultura etxeak. Azken lau asteetan astero galdetegi bat bete behar izan dute. Gaiak hauexek izan dira: zaborra, ura, energia, papera eta erosketak, besteak beste. Galdetegiak jaso eta hurrengo astean galdera sorta berriarekin batera bidali zaie aurreko galdetegian zenbat puntu lortu zuten eta aurreko asteko gaiaren gaineko gomendio batzuk, zer hobetu behar duten jakiteko.
Horrekin Udaletik nahi izan dute lortzea inkesta hori betetzen zuten pertsonek jakitea zein gomendio hartu behar dituzten kontuan eraikin hori jasangarriagoa izateko. Eta aldi berean, Udaletik jaso duten informazioaz lortu dute eraikin bakoitzaren diagnostiko txiki bat egitea. Hauxe esan digu beñat Herce alkateak: “Nahiko ondo egon da, parte-hartzea ez da izan guk espero bestekoa eta aurkitu ditugu zenbait gauza hobetu beharrekoak, baina jarraitzeko asmoa daukagu”.
Lehiaketaren lehenengo fasean puntuazio altuena lortu duen eraikina udaletxea izan da eta bigarren fasea, udako oporren ostean, irailean jarriko dute martxan.