Arratsaldeak, berriz, bailarako inguruak ezagutzeko aprobetxatuko dituzte. "Asmoa da gazteek hemengo inguruak ere ezagutzea eta toki hauetara joan nahi dugu, besteak beste: Urkulura, Oñatiko Usakora, Eginora eskalatzera..." esan digu Miriam Azpeitia begiraleak.
Guztira, 13 lagun eta bi begirale dabiltza lanean. Gazteak, besteak beste, Tolosa, Deba, Idiazabal, Gasteiz eta Bizkaia ingurukoak dira.
Guztiak pozik
Datorren egubakoitzera arte egongo dira gurean, hilaren 13ra arte, eta ikusten denez ez zaizkie ekintzarik ezta lanerako gogorik ere falta. Momentuz behintzat esperientzia aberasgarria dela azaldu digute gazteek eta Eskoriatzako Ibarraundi museoko Eneritz Zubia teknikaria ere oso pozik dago gazteak egiten dabiltzan lanarekin: "Lehenengo aldia da auzolandegia Eskoriatzan egiten duguna eta oso pozik gaude, beraz, nik uste errepikatzeko moduko esperientzia dela".