San Pedro bezperan, eguenean, hasiko dira ekintzak, urteroko margo lehiaketarekin. 4 eta 12 urte arteko umeek parte har dezakete, eta, 12:00etan hasita, ordu bete izango dute gustuko marrazkia egin eta margotzeko. Sariak 13:00etan banatuko dituzte. Hori dena Herriko Plazan izango da.
Arratsaldean, ume eta gurasoek elkarrekin ikusteko eta barre egiteko moduko Oilaskoetxea kale antzerkia izango da, 19:00etan.
Entzierro txikia
Zapatuan, ekainaren 30ean, hitzordu politenetariko bat dute umeek. Izan ere, zezenekin kalean gora eta behera ibiliko dira; kartoizko zezenekin, hori bai. Aurten, jaietako azken txanparako antolatu du Udalak ekintza hori, eta ez jai hasierarako, iaz bezala. 12:00etan hasiko da kartoizko zezenen entzierro txikia, estankotik Santa Mariñe plazaraino. Han, errekortadore eskola ibiltari- koen erakustaldiarekin gozatu ahal izango dute umeek.
Eta jaiak fresko-fresko bukatzeko, apar festa baino hoberik ez dago. Uztailaren 1ean, bai- nujantzia eta txankletak ipini eta joan Gorosarri plazara!