Aste osoan zehar denetariko ekintzak egin ostean zapatua zuten Aste Zapatistaren egun handia. Urtero moduan bazkariak jende dezente erakarri zuen, eta ez da harritzekoa, menua ikusita: janari mexikarra, menu begetarianoa eta mojitoak. Jaki gozoez gain, perkusio, danbor eta musikarik ez zen falta izan Aste Zapatistari amaiera emateko.
Zapatisten baloreak zabaldu eta erakutsi nahi izan dituztela azaldu zuen zapatuan Yurre Romaratezabalek. Eskoriatzako Aste Zapatistako antolatzailea da eta pozik dago asteak emandakoarekin: "Ekintza gehienek erantzun ona izan dute eta pozik gaude. Beste mundu bat eta beste printzipio eta balore batzuk posible direla erakutsi nahi izan dugu".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.