Hain zuzen, eskoriatzarrendako berezia den Atxorrotxeko igoerak saltsa jarri du herrian, igoera hori kronometratu egingo dutelako, eta apustuak egin daitezkeelako tabernatan (euro 1): "Dagoeneko badakigu tabernaren baten zozketak amaitu zaizkiela", esan digu probako antolatzaileetako batek, Julen Ezeizak. Seguru eskoriatzarren artean beti egon izan dela lehia hori, nork Atxorrotz azkarrago igo, eta ikusteko dago bihar azkarrenak zenbatean geratzen duen erlojua. Bere poltsikoko dirua jokatuko balu: "Ikusi egin beharko nuke zeintzuk datozen, baina hemeretzi minuturen bueltan ibiliko da", dio barrez Ezeizak, kartaren bat ezkutuan izango balu moduan.
Internetez aste barruan 50 lagun zeuden izena emanda: "Baina badakigu jendea azken unera arte zain dagoela, besteak beste, Hiru Handiak probatik zelan errekuperatzen den ikusteko". Berrehun laguneko izenematea betetzen ez bada, lasterketa aurretik izena eman ahal izango da, Eskoriatzako plazan, proba baino hasi baino apur bat lehenago.