Haurren ongizatean, hizkuntzan, literaturan, euskaran, kulturan, komunikazioaren kudeaketan eta kooperazioan interesatuta dauden ikasleak joan ziren Esther Ferrer entzutera eta bete egin zuten aretoa. Bi ordu pasa iraun zuen saioak eta bere ibilbidearekin lotutako galderak egin zizkioten gehienbat.
Ibilbide zabaleko artista polifazetikoa da Ferrer eta bere belaunaldiko artista esanguratsuenen artean kokatzen da.
Topaketa hauen bitartez Jakiundek lortu gura duena da "gazteen artean jakintzarekiko maitasuna eta zaletasuna sustatzea, norberaren argudioak argi aurkeztea eta besteen argudioak entzuteko eta ulertzeko gogoa piztea".
