Gaurko proba gaindituta, gustura zegoen Inma Murillo entrenatzailea, "primeran" jokatu dutela esanez: "Ligan Zarautzen kontra jokatutako bi partiduak galdu egin ditugu, baina gaur oso ondo aritu dugu".
Bihar, domeka, jokatuko duten finalean zer gertatuko den ikustea geratzen da orain. Cafes Aitonaren kontra neurtuko dituzte indarrak eta baikor dago Murillo: "Talde gogorra da, baina Ligan mendean hartzea lortu dugu eta ea berdin egiten dugun bihar ere; gaur moduan jokatzea ezinbestekoa izango da, hori bai".
Lauko Finaleko txapela janztea zer den badakite Eskoriatzako neskek, baina gustura errepikatuko dute esperientzia.