Eguenean onartutako proiektuak eraikineko barruko azalera egokitzea aurreikusten du. Hain justu, zoruarekin amaituko dute eta argia, ura eta bestelako instalazioak sartuko dira.
Horretarako, 580.000 euroko aurrekontua aurreikusi dute. Deialdia egin ostean, eskaerak jasoko dituzte, eta arkitektoak eskatuta, obraren ezaugarri bereziak bermatuko dituen hainbat enpresei gonbidapena bidaliko zaie maiatzean, proposamena aurkeztu dezaten. Jarraian, horiek aztertuko dituzte hainbat faktore kontuan izanda: ekonomikoa, proiektuaren bermea, enplegua eta hobekuntzak. Hortik irtengo da esleipena lortuko duen enpresa.