Eskoriatzako Kultura etxean jarri dute erakusketa eta gaur, egubakoitza, irekiko dute. Apirilaren 29ra bitartean egongo da zabalik, honako ordutegiarekin: astelehenetik egubakoitzera, 18:00etatik 20:00etara, eta zapatu eta domeketan, 12:00etatik 14:00etara eta 18:00etatik 20:00etara.
Kartelak propaganda euskarri gisa erabili zituzten Espainiako II. Errepublikan. ¡Fortificad!, ¡100.000 voluntarios!, ¡vigilancia! eta gisako leloekin egindako kartelak daude ikusgai erakusketan. Sasoi hartan, 2.000 kartel ezberdin inprimatu ziren estilo horretakoak eta haietako batzuk ikusi ahal izango dira Eskoriatzan.
Errepublika garaiko kartel ikusgarri eta berehalakoak, espontaneoak, ezagutzera eman eta garai hura irudien bidez gogora ekartzea da Ezker Anitzaren helburua.