Orain dela bi urte eroan zuen Rafa Carriet eskoriatzarrak emakumeendako babes aholkuak batzen zituen liburuxka egiteko proposamena Udaleko Gizarte Zerbitzuetara. Horrek hasieratik "begi onez" hartu zuen proposamena, azken urteotan gero eta gehiago entzuten direlako genero indarkeriarekin lotutako berriak. Lana egiteko erabakia aurreko agintaldian hartu zen, eta lanek luze jo badute ere, azkenean liburuxka argitaratzea lortu dute. Denera, 1.250 ale argitaratu dituzte.
Liiburuxka hiru zatitan banatuta dago: lehenengoan, generoindarkeriari aurre egiteko prebentzio neurri orokorrak ematen dira; bigarrenean, bikotearen barruan gertatzen den genero indarkeria da gai nagusia; eta hirugarren
eta azken zatian, emakumeei sarri sortzen zaizkien galderak eta horien erantzunak jarri dira. Telefonoak ere jarri dituzte herritarren eskura.
Asteleheneko Goiena paperean aurkituko duzue protagonisten azalpenak.