Guztira, Luis Ezeiza herri ikastetxeko eta Arizmendiko Jose Arana guneko 200 neska-mutiko ibili dira gaur goizean kantuan. Aurten, Arizmendiko Almeneko Lehen Hezkuntzako lehenengo eta bigarren mailakoak ez dira kalera jaitsi.
Eguraldiak larregi laguntzen ez bazuen ere, 10:30ak pasata irten dira abesten; askok ziria eskuetan zutela hasi dute ibilbidea. Sagarra, txorizoa eta ogiarekin ondo beteta gainera. Kantuan ibiltzen ziren bitartean, horiek jateko aprobetxatu dute askok, eta plazara heldu direnerako, ziria hutsik zuten.
Gozokiak
Esan bezala, Intxaurtxuetatik plazarako bidean, zaharren egoitzatik pasa dira Luis Ezeizakoak. Han dauden aitita-amonen aurrean Urdelardero abestu, eta trukean, gozokiak jaso dituzte. Behin kalejiran amaitutakoan, Herriko Plazan elkartu dira guztiak, eta indarrak berreskuratzeko, txistorra jan dute.
Egunari amaiera emateko, Hipo eta Tomax pailazoen ikuskizuna izango dute udal pilotalekuan, eta jarraian, txokolate jana.