Luis Ezeizan eta osasun etxean lanuztea egingo dute

Euskal zerbitzu publikoko langileek biharko deitu duten lau orduko lanuzteak eragina izango du Eskoriatzan. Luis Ezeiza ikastetxean  lanuztea egingo dute. Hango langileek baieztatu digute 09:00etatik 11:00etara eskolak izango direla, eta gero, irakasle eta sukaldari guztiek lanuztea egingo dutela. Osasun etxean, berriz, zerbitzu minimoak izango dituzte goizean. Bestalde, udaletxean jakinarazi digute botaziorik ez dutela egin, eta hortaz, udal langile bakoitzak nahi duena egingo duela.