Markel Olano EAJren bozeramaileak Batzar Nagusietan, erantzun dio AP-1 autobideak ez dituela erabiltzaile aurreikuspenak bete, beste arrazoi batzuen artean, N1 errepidea doanekoa delako eta Bilduren Foru gobernuak, "PPren laguntzarekin" Etxegaraten bidesaririk jarri nahi ez duelako.
Olanok gehitu du egia dela arazo teknikoak izan zirela Eibar-Gasteiz autobidea eraikitzerakoan, bereziki, Arlabango tunel luzean, eta horrek garestitu egin zituela aurreikuspenak, baina aurrekontu aldaketa horiek Batzar Nagusien oniritziarekin egin zirela eta bisitak antolatu zirela Arlabanera, obrak ikuskatzera.