Urte berriarekin batera, umeei zuzendutako kirol jarduera berria eskaintzekotan dabiltza udal kirol zerbitzukoek: arte martzialen barruan sartuta dagoen aikido disziplina. Jose Manuel Matas eskoriatzarrak emango ditu eskolak; astero birritan izango dira horiek, kiroldegian: martitzenetan eta eguenetan egingo dituzte, 17:00etatik 18:00etara bitartean.
Izenematea zabalik dago. Interesa dutenak kiroldegira joan behar dira eta bertan izena eman. Taldea osatu bezain pronto hasiko dira eskolak ematen.
Japoniako arte martzial modernoa aikido. Horren ezaugarri nagusiena da gatazka egoeretan hazkunde pertsonala eta harmonizazioa eta neutralizazioa bilatzea.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.