Han izan dira Eskoriatzako eta Arrasateko fakultateetako ikasle eta irakasleak. Izan ere, bi fakultateetan ekimenarekin bat egin dute eta baraualdia egin dute 13 lagunek gazteen egunean eta 14k hezkuntzaren egunean.
Prentsaurrekoan adierazi dute ilusioz ikusten dutela garai berri hau, gatazkaren konponbideak euskarari, euskal kulturari eta euskal jakintzari mesede handia egingo diotelako euren esanetan.
Gaineratu dute argi dutela espetxe politika konponbidearen gakoetara ekarri behar dela. Eta adibide gisa jarri dituzte hala izan zen Ipar Irlandako eta Hego Afrikako kasuak.
Azkenik, esan dute bat egiten dutela urtarrilaren zazpirako herri mobilizazio orokorrerako deiarekin, eta Frantziako eta Espainiako Gobernuei sei neurri hartzea eskatu diete: euskal presoak Euskal Herrira ekartzea, Espainiar estatuan ezartzen den 197/06 doktrina bertan behera uztea eta zigorra beteta duten presoak askatzea, Frantziar estatuan ezartzen den bizi osorako zigorra indargabetzea, zigorraren hiru laurdenak bete dituzten presoak askatzea, gaixotasun larriak dituzten presoak askatzea eta bestelako gaixotasunak dituzten presoen zaintza egokirako beharrezko neurriak hartzea eta, esan bezala, Frantziar eta espainiar estatuen espetxe politika konponbide gakoetan ezartzea.